AFSAKIÐ HLÉ !!!!!

Sökum annríkis og gúrkutíðar kemur ekki nýr póstur inn fyrr en í mars!!!

Jeminn almáttugur ég er gjörsamlega búin að grenja úr hlátri yfir The Silvia Night Show!!! Hún er náttúrulega bara snillingur í markaðssetningu þessi kona!!! Það sem kom mér langmest á óvart var það að ég þekkti þó nokkra af bretunum sem hún er búin að plata til þess að taka þátt í þessu með sér!!! Já svona er þetta lítill heimur, hahaha!!! Annars er mest lítið að frétta nema bara það að ég er búin að vera með þessa ömurlegu flensu í vikunni og er rétt svo að jafna mig núna!!! Ekki seinna vænna þar sem að kveðjupartýið hennar Boggu er á morgun og þá skal sko taka almennilega á því og skvetta ærlega úr klaufunum!!! Já á morgun verður sko kíkt í bæinn,so be there or be square!!!

Ó mæ fokking god!!!! Draumamaðurinn minn (tilvonandi eiginmaður minn, hann bara veit það ekki ennþá!!!) er mættur á klakann!!! Djööööö ég verð að hitta hann!!!! Shittttt ég er að tapa mér!!!! Jeminn, hahahahah, hann er bara allt of flottur!!! Jæja farin á Jude veiðar, wish me luck!!! Múhahahaha

It's an end of an era!!!

Anna Nicole bara dáin!!! Hún overdósaði víst á Hard Rock hótelinu í Hollywood, Florida og segja heimildamenn að hún hafi kafnað í eigin ælu!!! Hmmm þetta er nú orðið frekar grunsamlegt allt saman!!!

Kella virkaði svo happy og útúrdópuð á þessari nýlegu mynd!!!














Og svo er hún bara nýkomin úr svaka lýtaaðgerð, búin að strekkja sig til Kína þannig að ég er nú ekki alveg að trúa því að þetta hafi verið sjálfsmorð!!! Þetta er allt frekar gruggugt!!!














Strákurinn sem var erfingi hennar dó úr overdose fyrir nokkrum mánuðum rétt eftir að litla stelpan fæddist og svo núna deyr hún!!! Því hefur verið haldið fram að Howard Stern, lögfræðingur Önnu, hafi látið Daníel fá methadonið sem hann overdosaði á en hann er settur sem pabbi krakkans á fæðingarvottorðið og þau giftu sig í einhverri leyniathöfn!!! Þar sem að bæði hún og strákurinn eru dáin þá er stelpan eini erfinginn sem þýðir bara eitt, Stern fær allan peninginn ef að hann reynist vera faðir hennar!!! Tel það nú vera frekar ólíklegt að hann sé pabbinn þar sem að þau voru búin að forðast það eins og rauðan dauðann að leyfa DNA próf á krakkanum en ætli Stern eigi ekki bara eftir að forðast það áfram!!! Nú tekur líklega við svaka forræðisdeila, áfrýjunarréttur á eftir að klára að dæma hvert peningarnir fara, til fjölskyldu Önnu eða fjölskyldu eiginmanns hennar heitins og rannsókn á dauða hennar er rétt að byrja!!! Þetta er efni í heila bíómynd og samt ég er viss um að þetta drama sé allt saman rétt að byrja!!!

Annars er föstudagsflöskudagur í dag sem þýðir bara eitt: útz útz útz!!!!

Hahahahahaha, allt getur maður fundið á netinu!!! Hélt saumó áðan og eins og vanalega var mikið hlegið og slúðrað!!! Að lokum benti Hildur okkur á snilldar bloggsíðu þar sem strákur að nafni Stefán bloggar um marga skemmtilega hluti!!! Hér að neðan setti ég sjúklega fyndið blogg frá honum um rokklingana, veit ekki hvort að öðrum finnist þetta eins fyndið og okkur en við erum búnar að hlæja okkur máttlausar sérstaklega þar sem að Bogga, Sædís og Hildur voru nú í þessu eðal bandi!!!

"Að finna upplýsingar um Rokklingana er enginn barnaleikur. Vandamálið er að hluta til það að það eru engar upplýsingar um neitt íslenskt á netinu. Aðalvandinn er hinsvegar sá að þorri Rokklinga geta varla andað fyrir þeirri skömm sem virðist fylgja því að hafa verið í Rokklingunum.

Skil það ekki. Ég get ekki ímyndað mér neitt meira töff en að hafa verið í Rokklingunum. Mig dreymir það stundum á nóttinni, það að vera ungur, ungur og í Rokklingunum. Sweet.

Ég veit um nokkra fyrrum Rokklinga, enginn vill neitt með mig hafa og enginn vill láta mig fá neitt. Helvítin. Lukkan greip mig samt ofsataki þegar ég var að rumblast um í Kolaportinu í dag og hvað fann ég nema plötu með Rokklingunum. Extra sweet.


















Platan virðist bera nafn hljómsveitarinnar, allaveganna þá er “Rokklingarnir” eina orðið á framhlið umslagsins. Engar upplýsingar eru um plötuna á netinu svo ég verð bara að fylla í eyðurnar en förum aðeins í hvað Rokklingarnir voru.

Að minni bestu vitund þá var hljómsveitin Rokklingarnir stofnuð 1989. Meðlimar hennar voru allt börn og/eða unglingar og man ég vel eftir að sumir krakkar fóru í áheyrnarprufur og var hart barist um sætin. Undirstaðan var samt kór Seljaskóla. Það er pott þétt til einhver skemmtileg saga um hvernig þetta allt kom til en ég þekki hana ekki.

Rokklingarnir gáfu út átta diska og er mér sagt að þrír þeirra hafi náð platínusölu og þrjár gullsölu. Það þýðir að Rokklingarnir hafi selt að minnsta kosti 45 þúsund plötur. Endalaust var af tónlistarmyndböndum með þeim en ég man best eftir því sem fylgdi syrpunni sem hafði “marsbúarnir, þeir koma í kvöld” eða eitthvað álíka. Heavy góður skítur sko.

Þetta ævintýri leystist svo víst upp árið 1993, hugsanlega útaf dofnandi áhuga og kjánahrolla.

Á plötunni er eitt heilt lag, Sagan af Nínu og Geira, og sex syrpur, Skólarokk, Viðlagapopp, Bíópopp, Sveiflurokk, Hlöðurokk og Tregapopp. Allt yndislegar syrpur.

Þið getið hlustað á “Sagan af Nínu og Geira” hér. Þetta lag er sungið af Ástrósu sem var 7 ára þarna og honum Gunnari, sem var 6 ára. Aldur þeirra var tekin fram á plötuumslaginu, hugsanlega til að afsaka eitthvað.

Ég er samt alveg ástfanginn af þessu plötuumslagi. Kíkjum aðeins nær á krakkana.















Skemmtileg blanda. Við erum með gaurinn í Sgt. Pepper flík, stoltur. Töfrastelpuna með æpandi augabrýrnar (Hildur). Tannstóru stelpuna með shittið og hvað svo? Jú, töff punk 80s gelluna sem er bara “Whooa, hvað er í gangi, chill, skiluru”. Geðveikt.


















Svala fólkið. Þarna erum við með gaurinn með Batman derhúfuna, ég er að segja ykkur hann er alveg eins og einhver fréttamaður eða eitthvað, kem því ekki fyrir mig. Við hlið hans er gaur með eitthvað shitt á buxunum. Milli þeirra er aðal “hvað er að gerast” gaurinn og fyrir framan þá er 50s Fonzinn og 11 ára gamla hóran sem stal fjólubláum hatti frá ömmu sinni. Klassískt.


















Hér er blanda sko. Við erum með casanovaið sem er hugsanlega strákur en vel hugsanlega stelpa. Flippaða gellan með silfraða hárið (Bogga). Ávaxta stelpan (Sædís), jarðaberjastelpan og frímúrastelpan. Það sem vekur samt mestan áhuga hjá mér þarna er skvísan í gula dæminu. Er hún rangeygð eða bara tileygð?













Geri vel ráð fyrir því að þetta séu yngstu börnin. Stelpan þarna með rauðahattinn er mega svöl en helvíti er strákurinn mikið svalari samt. Ástrós fríkar mig út þar sem hún er sjö ára og með varalit og í einhverskonar píanópeysu. [Ástrós er stelpan með hattinn en ekki þessi í gula dressinu]


















NEEEI, láttu ekki svona. Þú ert í Rokklingunum. Þýðir ekkert að vera í fýlu. Hann er samt í jakkafötum sem eru eins og rugluð rás í sjónvarpinu.

Frábært."

Hahahaha, bara fyndið!!! Svo er fullt af liði að commenta á þetta að undra sig á því hvar rokklingarnir eru í dag!!! Ef þau bara vissu, híhí!!!

Jeremías hvað það var gaman úti!!! Það var bara útz útz útz allan tímann!!! Hef sjaldan lent í eins mikilli vinnu en þetta var sko alveg þess virði!!! Kom heim seint á fimmtudagskvöld og þá tók bara gestgjafahlutverkið við en Ben og Natasha kærastan hans voru hérna um helgina!!! Þau fóru svo eldsnemma í morgun svo að loksins get ég slappað af eftir rúmlega 10 daga brjálæði!!!














London var æðisleg í alla staði og ég hitti öll uppáhöldin mín þar og Köln kom mér þvílíkt á óvart, vá hvað ég hafði ekki upplifað áður hvað þessi borg gæti verið skemmtileg!!! Fór á frábæra staði og kíkti meira að segja ekki í eina einustu búð, frekar ólíkt mér, haha, en það var bara enginn tími til þess!!!















Ég reyni að setja inn e-ð af myndum og setja inn eitthvað meira af ferðasögunni um leið og tími gefst, eða það sem að má fara á netið, múhahaha!!!